طريقة عمل حامل أغراض على شكل أرنوب - اشغال يدوية و مشاريع صغيرة
اشغال يدوية و مشاريع صغيرة :
الأشغال اليدوية فن قديم و جميل موجود من زمان وحتى وقتنا الحالي، أشكاله و أنواعه مختلفه و متعددة زي مثلا فن النحت ، فن الرسم على الخشب وعلى الزجاج ، فن التطريز .. ألخ وغيرها من الفنون الراقية الجميلة .
لكن احنا دلوقتي مش هنتكلم عن الفنون ديه كلها لكن أكيد بإذن الله هنتكلم عنها في مقالاتنا القادمة ، لأن أغلبها مهارات محتاجه دراسة و خاماتها ممكن تكون مش متوفرة في كل بيت
أفكار :
النهاردة هنعمل مع بعض حامل أغراض من الأطباق الكرتونية و هيكون على شكل أرنوب ممكن أعلقه في المطبخ و أضع فيه بعض الأدوات الرفيعة علشان ما تضيعش ، أو ممكن كمان نعمله و نعلقه في غرفة الأطفال و نضع فيه أدواتهم و ألعابهم الصغيرة
علمي أطفالك ازاي يصنعوا بنفسهم الحامل ده ، دربيهم على الإبتكار و الإختراع اكتشفي مواهبهم و خليهم هما كمان يثقوا في أنفسهم و في قدراتهم لما يعملوا مشاريع صغيرة من أبسط الخامات بأنفسهم و تعجب الناس اللي حواليهم و بالتالي هتلاقيهم حبوا الأشغال اليدوية و بدأت مواهبهم تنمو وتتطور مع الوقت
الخامات المستخدمة فى عمل حامل الأرنوب :
1- أطباق كرتونية موجودة فى السوبرماركت ، أو أي كرتونة فاضيه عندي فى البيت
2- شريط من لفاف الهدايا علشان أعمل منه العليقه
3- مقص لتشكيل قطع الأرنوب
4- دباسة ورق
طريقة عمل حامل الأرنوب بالخطوات :
زي ما واضح عندي فى الصورة بالأرقام والخطوات
1- ببدأ أرسم أذن الأرنوب على الطبق الكرتون بإستخدام طبق كرتون تاني
2- أبدأ بقص الأذن التي قمت برسمها .
3- أقوم بتدبيس الأذن فى رأس الأرنوب اللي هي عبارة عن طبق كامل زي ما واضح فى الصورة.
4- أحضر طبق آخر وأقصه من الحرف بشكل نصف دائرة زي ما واضح فى الصورة و أدبسة فى الطبق الأول
5- أركب الشريط فى الأرنوب على شكل عليقة
6- أبدأ فى تزيين وجه الأرنوب بالخامات المتوفره عندي وبالشكل اللي بحبه.
و أخيراَ بعد ما عملته أعلقه فى المكان المحبب عندي أو ممكن أضع فيه هدايا صغيرة أو وأقدمه هديه لطفل :) ..
ببساطه الأشغال اليدوية فن بسيط وسهل جدااا ممكن أعمل من خلاله مشاريع صغيرة كثيرة جداا و بأبسط الخامات و أقلها تكلفه .. كل اللي هنحتاجه شوية تفكير و ابداع ومتابعة لمقالات موقع لعبتي :) لأننا مهتمين نقدم لكم كل جديد و مفيد بإذن الله .. للمزيد من الأفكار اضغط هنا
